Als dan Batt von BonstettenPerson: in Joͤrg GrebelsPerson: 1 huß zuͦ GriffensePlace: in der sumerloͧben mir, vogt Gerold EdlibachPerson: , verbotten hatt, nu̍t mer in dem bach zuͦ UstriPlace: zuͦ fischen an den ortten und enden, da aber ich, gemelter vogt, vermeintte, als ich vernomen hab, vormallen biß an mich alle voͤgt, die min vorfaren gewesen sind, gefischet habend etcAbbreviation. Hab ich BattenPerson: geantwortt, da welle ich fu̍rer aber uff raͤcht fischen, und ob er vermeinne, dz ich oder ander minne nachkomen, so je zuͦ zitten in u̍wer, minerIn the original: mir herren, namen voͤgt zuͦ GriffensePlace: sygintt, mitt guͦt raͤcht zuͦ fischen hettend, deß welle ich im vor u̍ch, min herren, wen er beger und tag erlangen mug, einß raͤchten sin und im sinner zuͦ spru̍ch antwortt geben. Und wen ir, min herren, u̍nß zuͦ beder sitt gnuͦgsamklichen verhoͤrtt habend, weß ir, mine herren, ouchUncertain readinga dan umb die ding erkennent b, eß sye mit u̍wrem raͤchtlichen spruch oder in der min, dem selben welle ich minß teils tru̍lich glaͤben. Und da BattPerson: soͤmliches raͤcht bott je sich nu̍tt benuͤgen lassen wolt, da verbott ich im den bach, so in u̍wer herren hochen und nidren grichten ru̍nt und durch u̍wre vogtbarre und zinßbare guͤtter vom se biß obnen in WilPlace: zum c marckstein, ouch nu̍t dar in zuͦ fischen biß zuͦ UstryPlace: , dz ir, min herren, u̍nß bed enschiedett. Uff dz BattPerson: rett, ich hett im nu̍tz zuͦ bietten, er taͤde nu̍tz umb mine bott. Und nach aller leig verachtlicher wortten, so BattPerson: mit mir brucht, ward zwuschend u̍nß frid genommen etcAbbreviation.

Item dem nach u̍ber friden ist Batt von BonstettenPerson: in gemelter Joͤrg GrebelsPerson: loͧben mit verfastem taͤgen fu̍r mich, genantter vogt, uff und nider gangen und mit dratzlichen wortten grett: «Ja, vogt, je und ich dich oder jemmen im bach d woͤlt lassen fischen, je woͤlte ich mitUncertain readinge eim fiertussend guldenCurrency: 4000 guilders verraͤchten, dan wen du mir dar inne fischest, so fischest du mir in dem minen und nimst mir dz min. Hoͤr du dz aͤben, vogt, dan eß ist min vaͤtterlich erb etcAbbreviation.»2

Uff dz ich, genantter vogt, antwortt und sprach: «BattPerson: , ich fischen gar niennen dan an den ortten und enden, da biß har, als ich gehoͤrt hab, biß an mich all mirCorrected from: minerf herren voͤgt gefischet habend, darum sol du mich nu̍t zu̍chen, dz ich dir dz din niennen naͤme, ich bedarff deß dinnen nu̍tz.» Uff dz BattPerson: aber rett: «Vogt, find ich dich oder die dinnen im bach, ir soͤnd ein fischen thuͦn, dz u̍ch nu̍mer wol erschu̍ssen mu̍ß.» Uff dz ich, gemelter vogt, rett: «BattPerson: , ich weiß dich in soͤmlicher vernunft, ob du mich oder die minen im bach fundest, u̍ber soͤmlich billiche raͤcht bott, so ich dir for friden und jetz aber fu̍rschlach, keyn u̍bels noch args nu̍t zuͦfuͤgtest, und hab deß kein sorg nu̍t uff dich.»

Uff dz BattPerson: zum andren mal sprach zuͦ mir und kertte sich gegen mir und trowtte mir mit der hand und stuͦnd stil und rett: «Vogt, du hoͤrst wol, wz ich dir sag. Find ich dich oder die dinnen im bach, dz es dir noch den dinnen nu̍mer wol erschuͤssen muͤß. Und soͤlt ich sin umb lib, er und guͤtt kommen und umb alleß, dz mich got je beraͧtten hatt, da wu̍sse dich nach zuͦ richten etcAbbreviation.»

Daruff ich, gemelter vogt, aber antwort und sprach: «BattPerson: , du troͤwst mir, umb dz ich minen herren dz ir beger zuͦ beheben und nu̍tz anderst thuͦn, dan ich innen geloͧpt und geschworen hab und ouch schuldig zuͦ thuͦn bin, innen ir frigheit und graͤchtikeit zuͦ behalten, als wit ich mag, dar zuͦ sy dan raͤcht habend. Und u̍ber dz, so ich mit dir in friden stan, deß du mich billichen u̍ber huͦbest von wegen mirCorrected from: minerg herren.» Und giengeCorrection above the line, replaces: gangeh dar mit von im uss der loͧben, da lu̍ffe mir her Hanß RoͤustPerson: , der kaplon zuͦ GriffensePlace: , nach und berette mich, mit im wider zuͦ herren und gesellen zuͦ kommen etcAbbreviation.

Und ob Batt von BonstettenPerson: soͤlicher wort und reden, wie die alle ob stand, nu̍t kantlichen und gichtig wissen wilt, deß ich mich doch an in gar nu̍t versich, so sind doch fil fromer, ersammer prister, herren und gesellen, geischlich und weltlich, da gegenwertig gwessen, die disse sachen gehoͤrt und gesaͤchen habend, da mir nu̍t zwifflet, wen die raͤchtlichen alle verhoͤrtt werden, den handel lutter sagen soͤllend, wie ob stat, dz BattPerson: uff die selben zitt die mallen, als ich achten dem friden nach gnuͦg geret hab, namlichen:

her Hans SturmPerson: , kilchher zuͦ UstriPlace: ;

her Heinrich RuͦlandPerson: ,

her MichelPerson: zuͦ UstriPlace: ,

her Wernli BalterUncertain readingiPerson: , caplon,

her Joß StoͧberPerson: , alle caplonnen zuͦ KilchustriPlace: ;

her Hanß RoͤustPerson: , caplan zuͦ GriffensePlace: etcAbbreviation.

Hans PfisterPerson: , u̍wer, mirCorrected from: minerj herren, und BattenPerson: geschworner weibel zuͦ KilchustriPlace: , der u̍nß bed von befelch wegen deß kilchherren und andren priester in frid genomen hat;

Baltiser SchuͦmacherPerson: zuͦ UstriPlace: .

Item sust ist ouch vil guͦtter herren und gesellen, die ich nu̍t alle kent oder acht gehept hab, ouch uff der loͧben gwessen, ist mir nu̍t zwyfel, Hanß PfisterPerson: , der undervogt, wol wu̍sse, dan sy ob ein tischly alle karttet habend.

Item dem allem nach hab ich noch die minen im obgemelten bach nu̍mer mer gefischett. Und gemelten BattenPerson: daruff uß kraft u̍wer, mirCorrected from: minerk herren, durch Jacob EglyPerson: , u̍wer undervogt zuͦ GriffensePlace: , Hansen PfisterPerson: und Kuͦnrat StaͤgerPerson: , bed weibel, genantten bach vom se hin uff biß an marckstein ob dem WilPlace: an dry march silberCurrency: 3 mark silver ouch verbotten, biß dz von u̍ch, min herren, die sach ein aͤnd naͤm. Soͤmlich gebott er uß u̍bermuͦtt und verachtDamage through faded ink, uncertain readingl [p. 4]Page breaku̍wer, mirCorrected from: minerm herren, zum dickren mal nie gehalten hat und sich deß selb beruͤmt, ich habe im nu̍tz zuͦ bietten. Und ob er deß botteß nu̍t kantlichen sin woͤlt, so mugend ir die dry voͤgt oder weibel verhoͤren, und ist im botten an iij march silbersCurrency: 3 mark silver , wie hie for stat.

Her burgermeister, strengen, vesten, fu̍rsichtigen, wisen herren, habe ich u̍wer wisheit disen obgeschribnen handel nu̍t wellen verhalten, besunder langestUncertain readingn gern u̍ch, minen herren, enteckt, so hab ich gesaͤchen u̍wer mercklich gescheft und unruͦw allerleig und ouch miner sachen halb ferzogen hat. Und ist nu̍t annder, dz es ouch min notturff fordert, allerleig reden halb, so hinder mir brucht werdent, vilicht BattenPerson: und mir zuͦ unruͦwen mer dan durch ruͦw willen. Etlich spraͤchend, ich wu̍sse wol, wuͦ dz ertrich am aller besten zuͦ graben sye, etlich, ich wel den fuchs mit BatenPerson: nu̍t bissen, und etlich sprechend, hettend eß minUncertain readingo gesellen than, ich hette so p lang nu̍t gebattet, ich hette sy mit raͤcht angenomen. Dar wider ich nu̍t red und war ist, harumb, gnaͤdigen, lieben herren, so u̍ber gib ich u̍wer wisheit die sach, da moͤgend ir nun fu̍r hin handlen, thuͦn und lasen, dz u̍ch, min herren, dz aller beste bedunckt, dan ich wol liden moͤcht, dz eß alles zwischend Batten von BonstettenPerson: und mir vermitten werre, und guͦt gesellen und gu̍nner beliben etcAbbreviation.

q–Uff mitwoch nach presentationis MariePerson: in templum anno etcAbbreviation viijoDate of origin: 22.11.15083 sind der alt vogtt Gerold EdlibachPerson: und junkerIn the original: j Batt von BonstettenPerson: gegen einanderAddition above the liner vertagt, und ist die ob angezeigte kuntschaft in ir gegenwirdtikeit gehoͤrt und daruf zuͦ recht erkennt, dz in der gehoͤrten kuntschaft nit sovil erfunden, dz da kein fridbruchh vergangen sye, sonnder so syend si vor nacher guͦt fru̍nd und gesellen gewesen, darumb soͤllend si heim keren und einandern dz best und wegst tuͦn, daran tuͦgend si minen herren gefallen. Und loͤsend min herren die kuntschafter von der herberg.Addition on the bottom in another hand–q