[1] Woͤlches burgers kind, es sigen knaben oder tochtren, fu̍ro usser unser statt kaͤme in willen und meinung, sich an andern enden mit diensten oder sunst zuͦ erneren oder sin wandel usserthalb ze haben, das die selben nu̍tzet desterminder, si sigen kurtz oder lang zit usserthalb unser statt, wann sy widerumb mit wēsen sich alher schickten, das burgrecht von iren vatter unnd muͦter erblich haben und von nu̍wen ze kouffen nit schuldig sin soͤllen. Es wēre dann sach, das sich dasselbig mit offenn lu̍mbden unerlich sich gehalten hette, oder ob die selben von vatter oder muͦter umb ir erbteil usgestu̍rt unnd soͤlch erbguͦt oder sunst ander guͦt, das vor in unser stu̍r gelegen wēre, mit inen usser unser stu̍r genommen unnd das nach unser statt recht nit verdient hetten, so soͤllen sy darnach, ob sy widerumb in unser statt ziehen woͤlten, das burgrecht kouffen wie ander lu̍t. Desglichen wēre ouch, das soͤlch knaben oder tochtren usserhalb unser statt an andern enden eigen wēsen mit hus haͤblicher wonung gehept und sich die selben zit mit iren stu̍ren alhie nit verdient hetten wie ander unser burger, die soͤllen alsdann ouch zuͦ ziten, so sy widerumb in unser statt ziehen woͤlten, das burgrecht, wie obgemelt ist, kouffen.

[2] Ob sich ouch fuͤgti, das ein tochter oder wittwen in unnser statt oder usserthalb ein elichen man nēme, der vormals in unnserm burgrecht nit verfasset wēre, der selbig man sol sin burgrecht von siner froͧwen ouch unerkouft by unns haben. [fol. 42v]Page break Doch wann das beschaͤhe, so sol der selbig tochter oder wittwen elicher man desselben unnsers burgrechtz nit vaͤhig sin, er zoͤge sich dann zevor vor unserm cleinen rāteOrganisation: unnd tuͤge umb soͤlch burgrecht bitten. Wann er sich dann also mit bitt erscheint, alsdann sol er zuͦ burger angenommen werden.1 Doch ob ye zuͦ ziten eina schulthais unnd raͤteOrganisation: beduncken woͤlte, den selben man in soͤlichem unserm burgrecht nit nutzlich oder erlich oder sunst fu̍r gmeine statt fuͦglich ze sind, so mu̍gen sy im soͤlch burgrecht abschlahen. Und wann das beschicht, sover und dann der selbig von siner elichen froͧwen oder sunst in anderwēge ettwas guͦtz in unser stu̍r ligen hette, darumb sol er mit schulthaiß unnd raͤteOrganisation: des abzugs halb u̍berkommen und soͤlchen abzug gemeiner statt bezalen und dannach mit wēsen in unnser statt sich nitmer enthalten.

[3] Was ouch fu̍rohin von froͤmbden personen, es sigen froͧwen oder manspersonen, dēren wesen und herkommen schulthaiß und raͤtenOrganisation: unerkant wēre, durch elichen stand oder sunst in unser statt und burgrecht sich mit wēsen schickenn woͤlten, die selben soͤllen allwēgen des ersten, emals sy unsers burgrechtz vaͤhig sin mu̍gen, glouplich urkund brief bringen, von woͤlchen enden sy geborn, ouch wie ir wesen und herkomen erlich oder unerlich in irem abscheid gestelt sig.2 Und woͤlcher das nit taͤtte, der oder die selben soͤllen in unser burgrecht nit empfangen werden, in dhein wise.

[4] Es sol ouch ein yeder, so also von nu̍wen, wie obstāt, zuͦ burger empfangen wirt, umb soͤlch burgrecht x Currency: 10 lb bar geben.3 Und soͤllen damit [fol. 43r]Page break schulthais unnd clein raͤtOrganisation: in disen dingen allen ōn ein grossen rātOrganisation: dhein endrung noch nachlāß yemands nit tuͦn.