SSRQ ZH NF II/11 50-1
Sammlung Schweizerischer Rechtsquellen, I. Abteilung: Die Rechtsquellen des Kantons Zürich. Neue Folge. Zweiter Teil: Rechte der Landschaft. Band 11: Die Obervogteien um die Stadt Zürich, by Ariane Huber Hernández and Michael Nadig
Citation: SSRQ ZH NF II/11 50-1
License: CC BY-NC-SA
Ratsurteil betreffend die von der Gemeinde Wipkingen bestimmte Einschränkung der Stückzahl Vieh auf der Allmende
1517 May 13.
Metadata
- Shelfmark: StArZH I.A.2454.
- Date of origin: 1517 May 13 Transmission: Original
- Substrate: Pergament
- Format h × w (cm): 47.5 × 20.5
- 1 seal:
- Stadt ZürichPerson: , wax, round, sealed on a parchment tag, missing
- Language: German
Comments
Die Offnung von WipkingenPlace: enthält keine Bestimmungen zum Weidgang. Das vorliegende Urteil zeigt aber, dass ausserhalb der Offnung entsprechende Regelungen bestanden. Der Versuch der Gemeinde WipkingenPlace: Organisation: , diese Weidgangsbestimmungen eigenmächtig zu ändern, scheiterte, obwohl sie ihre neue Ordnung von der Äbtissin des FraumünstersOrganisation: hatte bestätigen lassen. Erfolgversprechender war die Strategie, solche neuen Ordnungen vor dem Obervogt und mit Bewilligung des RatesOrganisation: zu erlassen, wie WollishofenPlace: dies einige Jahre später tat (SSRQ ZH NF II/11 54-1).
Edition Text
Wir, der burgermeister und raht der stat ZurichPlace: Organisation: , bekennen und thund kunt mengklichem mit disem brieff, das fur uns zurecht komen sind der wurdig
und geisthlich, unser besonder lieber, andechtiger her Annthonius TalhamerPerson: dess gotzhus zuͦn ParfuͦssenOrganisation: , mit dem ersamen, wisen, unnserm getruwen
lieben ratzfruͦnd Johansenn BergernPerson: , desselben gotzhuses pfleger, und die fromen, vesten, unnser lieb buͦrger Jacoben von ChamPerson: und Jos EusenbryPerson: sampt
etlichen von den unnsern von WipkingenPlace: all eins-, unnd andersteils der unnsern einer gemeind von WipkingenPlace: Organisation: anweldt. Unnd habennt sich die obgemelten her gardi und sin mithafften vor unns erclagt, alls sy dann ouch hoff und guter zuͦ WipkingenPlace: und ir fich uff das feld und allment, wie
von alterhar gewesen wer, geschlagen hetten, so sigint doch die unnsern ein gemeind von WipkingenPlace: Organisation: daruber gesessen und hetint dess fichs halb ein
nuͦwen uffsatz gemacht und jetlichem uffgelegt, wievil er fichs uff das veld und allment schlachen und gon lasen solte und nit mer. Welcher
uffsatz inen unlidlich und zu schweͣr, us der ursach, das deshalben ein ungliche ufflegung von inen gemacht sige, dann etlichem von WipkingenPlace: ,
so jetz da gegenwurtig stuͦnde und fuͦnffzechenAmount: 15 kind hette, zuͦ denen er vor dryAmount: 3 kuͦgen gehept, dem habint sy ein kuͦ dannen thon und im allein
zwoAmount: 2 nachgelassen. Und dagegen etlichem, der niemandts dann ein frowen oder darzuͦ nuͦn ein kindlin hette, dem habint sy ouch zwoAmount: 2 kugen nachgelassen,
das dann unglich zuͦgannge etcAbbreviation. Mit ernstlichem annsuͦchen, wir weltind by den unnsern von WipkingenPlace: verschaffen, dess nuͦwen uffsatzess
abzuͦston und den alten bruͦch, wie sy den vornacher mit irem fich uff das feld und allment habint gehept, lassen zuͦbliben. Unnd dagegen der
unnsern einer gemeind von WipkingenPlace: Organisation: anweldt vermeinten, das sy bishar mit dem fich uff ir feld und allment ubersetzt gewesen und
werint all us ir gemeind gemeinlich daruͦbergesessen untz allein an einen mann. Wiewol etlich us ir gemeind jetz da wider sy stunden und
je einer den andern im nachgelechen, so hettint sy doch inen gehuͦllffen den annslag machen und werint also umb ires gemeinen nuͦtzes
willen ra̍ttig und eins worden und fünffAmount: 5 man usgeschossen, das dieselben by irn eiden deshalben ein ordnung machen und jederman ufflegen
soͤlten, nach dem si bedunckte irer gemeind nuͦtz und fuͦg sin und ir feld oder allment ertragen moͤchte. Sollichs sige also von den bemelten
funffAmount: 5 mannen beschechen, und hettint dieselben jetlichem je nach gstalt der sach und und irem guͦten beduncken by iren eids pflichten uffgelegt
und were ouch semlich uffleggung von unser gnedigen frowen der abtissin zuͦ der abtie nachgelassen, besta̍t und gevestnet, das es daby bliben
und si soͤllich ordnung also soͤlten bruͦchen, mit pit wir weltind sy daby hanndthaben. Und so wir beid parthigen in irn clegten,
antwurten, red und widerreden in den und vil mer worten, unot alle zuͦ melden, gnuͦgsamclich und nach nottuͦrfft verhort und verstannden,
so habent wir uns uff irn gethonen rechtsatz zuͦ recht erkennt und gesprochen, das die unsern von WipkingenPlace: irs nuͦwen uffsatzes abston und den alten bruch, wie sy den vornachen mit irem fich uff das feld und allment habent gehept, sollent lassen bliben. Diser unser
rechtlichen erkandtnus begerten her gardyan und die gemelten sin mithafften eins brieffs, den wir inen verwilgt und daran dess zuͦ urkund unser stat secret innsigel offenlich henncken lassen habent an mitwuͦch vor der crutz wuͦchen nach CristsPerson: geburt gezellt fuͦnff
zechenhundert und im sibenzechenden jarDate of origin: 13.5.1517.
Regest